AAYDA Xırdalanda abunəçini işıqsız qoyub
Azərbaycan Avtomobil Yolları Dövlət Agentliyinin (AAYDA) əməkdaşları Xırdalan şəhəri ərazisində yol çəkilişi həyata keçirərkən vətəndaşlardan birinin elektrik sayğacını qırıb. “NewsCafe” xəbər verir ki, hadisə Xırdalan şəhəri Əziz Əliyev küçəsində baş verib.
Məlumata görə, hadisə bu gün axşam saatlarında baş verib. Qazılmış yolun asfaltlanması ilə məşğul olan AAYDA-ya məxsus texnika vətəndaşın hasarına quraşdırılan elektrik sayğacına toxunaraq onu qırıb. Nəticədə abunəçinin elektrik enerjisi təchizatı dayanıb.
İstehlakçının etirazına cavab olaraq isə qurum əməkdaşları belə hadisələr tez-tez olduğunu, təchizatın bərpası üçün abunəçinin “Azərişıq” ASC-yə müraciət etməli olduğunu qeyd ediblər.