"BakuBus” MMC-nin elan etdiyi tenderin qalibi müəyyənləşib. "NewsCafe" xəbər verir ki, müsabiqənin qalibi "Təmiz Qaz" QSC-dir.
Məlumata görə, satınalma elanı "BakuBus"a məxsus qaz sayğacının quraşdırıldığı Qum adası ərazisindən “BakuBus” MMC-nin Zığ-Hövsan yolu 1-ci km “1” ünvanındakı deposunun ərazisinə çəkilmiş qaz xətlərində təmir işləri (korroziyaya uğramış 500 metr yeraltı polad qaz boru xəttinin yenisi ilə əvəz olunması və yerüstü çəkilməsi) ilə bağlı xidmətlərin göstərilməsi ilə bağlı olub.
Satınalma müqaviləsinin dəyəri 10 030 manatdır.
Xatırladaq ki, nizamnamə kapitalı 2000 manat olan "Təmiz Qaz" QSC 2016-cı ilin martın 7-də dövlət qeydiyyatına alınıb.