“NewsCafe” xəbər verir ki, müsabiqənin ümumi dəyəri 4 508 314,55 manatdır.
Adıçəkilən təşkilatın elan elədiyi birinci müsabiqə “İveco” markalı avtobuslara cari ilin sonuna kimi tələb olunan yüksək təzyiqli boruların və birləşmələrin satınalınması ilə bağlı olub ki, burada qalib "FX QRUP 88" MMC olub.
Bu müsabiqə üzrə qalibi ümumilikdə 13 803 ədəd yüksək təzyiqli boruların və birləşmələrin alınmasını həyata keçirəcək və qarşılığında 906 893,13 min manat qazanacaq.
Nizamnamə kapitalı 10 manat olan "FX QRUP 88" 2017-ci ildə yaradılıb və Pərvin Elxan qızı Əfəndiyeva qanuni təmsilçisidir.
İkinci açıq tender də “İveco” markalı avtobusların cari ilin sonuna kimi mühərrikin soyutma sisteminə tələb olunan ehtiyat hissələrinin satınalınması ilə bağlı olub və qalib "Karataş Tarimcilik Sanayi Ve Ticaret Anonim Şirketi"nin Azərbaycan Respublikasındaki nümayəndəliyi müəyyən edilib.
Adıçəkilən şirkət 2 401 319,33 manatın qarşılığında 7268 ədəd “İveco” markalı avtobusların cari ilin sonuna kimi mühərrikin soyutma sisteminə tələb olunan ehtiyat hissələrini “Baku Bus”a təhvil verəcək. 2018-ci ildə dövlət qeydiyyatına alınan Şirkətin qanuni təmsilçisi Ahmet Mustafa Karatasdır.
“Baku Bus”un sayca 3-cü olan 1 200 102,09 manatlıq satınalma müsabiqəsinin qalibi "Aztech and Tegeta Motors" MMC olub. Qalib təşkilat həmin məbləğin qarşılığında “İveco” markalı avtobuslara cari ilin sonuna kimi texniki baxış və müntəzəm xidmət göstərilməsinə tələb olunan ehtiyat hissələri ilə təmin edəcək.
Qeyd edək ki, 2016-cı ildə dövlət qeydiyyatına alınan "Aztech and Tegeta Motors"un nizamnamə kapitalı 100 manat, qanun i təmsilçisi isə Davit Khurtsiadır.
