“Azercell Telekom” MMC “Parfum Palace” MMC-ni məhkəməyə verib.
"NewsCafe"nin xəbərinə görə, Bakı Kommersiya Məhkəməsinə müraciət edən “Azercell Telekom” 65 manat 76 qəpik abunə və xidmət haqqının ödənilməsi barədə tələb irəli sürüb.
İddia tələbi onunla əsaslandırılıb ki, “Parfum Palace” “Azercell Telekom”la bağladığı müqavilələr üzrə iddiaçının rabitə xidmətlərindən istifadə edib və nəticədə onun 65 manat 76 qəpik məbləğində abunə və xidmət haqqı borcu yaranıb. Daha sonra “Parfum Palace” müqavilənin qeyd olunan şərtlərini pozaraq borcunun ödənilməsini təmin etməyib.
Hakim Leyla Əliyevanın sədrliyi ilə keçirilən prosesdə qərar elan olunub. Qərara əsasən, “Azercell Telekom”un iddiası təmin edilib.