“Azərsu” ASC nasosların təmir işləri üçün zəruri olan ehtiyat hissələri (1), eləcə də dalma nasoslarının satın alınması ilə bağlı elan etdiyi 2 açıq tenderə yekun vurub.
"Newscafe" vahid dövlət satınalmaları portalına istinadən xəbər verir ki, tenderlərin qalibi "Azelmaş" Elmi-Texniki Firması və "TP Trading" MMC-dir.
Qalib şirkətlərə müvafiq olaraq 4 231,6 və 925,816 min manat, ümumilikdə isə 5 157,4 min manat ödəniləcək.
Qeyd edək ki, "Azelmaş" 1993-cü ildə dövlət qeydiyyatına alınıb. Onun nizamnamə kapitalı 0,20 manat, qanuni təmsilçisi isə Araz Rafiq oğlu Qurbanlıdır.
"TP Trading" isə 2017-ci ildə dövlət qeydiyyatına alınıb. Onun nizamnamə kapitalı 10 manat, qanuni təmsilçisi isə Fuad Arif oğlu əfəndiyevdir.
