“Deyirik, icra başçıları şəhid ailələrini, qaziləri ziyarət etmirlər. Deyirlər ki, filan icra başçısı gedib. Nə vaxt gedib, kimə yardım edib? Doğrudur, işləyən icra başçıları da var. Amma biz işləməyənlərin adlarını çəkməliyik”."NewsCafe" xəbər verir ki, bunu "AĞ Partiya"nın sədri Tural Abbaslı deyib.
“Şirvan Şəhər İcra Hakimiyyətinin başçısı İlqar Abbasov şəhid ailəsinə deyib ki, dövlət pul verib, məzar daşını həmin pula hazırlatdırın, biz niyə qoymalıyıq?! Belə icra başçısının qulağından tutub DTX-nin zirzəmisinə salmaq haqqdır, haqq deyil? Sən şəhid ailəsinə bunu necə deyə bilərsən?! Bunu deyən icra başçısı təxribatla məşğul olur. Bunlar kimə arxayındırlar? Düşünürdük ki, “beşinci kolon” zəifləyib, amma elə deyil. Binəqədi rayonunda da bu cür hallar baş verir. İcra başçısı şəhid ailələrini, qaziləri ziyarət etmir, problemləri ilə maraqlanmır” – T.Abbaslı bildirib.
@Demokrat.Az
