![](https://newscafe.az/uploads/posts/2021-02/medium/1614453461_cfa55261-88a2-371f-95ed-02b60560464f_850.jpg)
Bu barədə “NewsCafe”yə Azərbaycan Respublikasının ABŞ-dakı səfirliyindən məlumat verilib.
Yazıda Vaşinqton şəhərində Azərbaycan şirniyyat evinin yaranma tarixi barədə məlumat verilir, bu məkanın adının qızılgül ləçəkləri və ya zəfərandan hazırlanan milli içkidən götürüldüyü, şərbətin, həmçinin Azərbaycanın ən məşhur şirniyyatı olan paxlavaya vurulan sirop olduğu qeyd olunur.
Azərbaycan paxlavasının forması, zərif dadı və nazik ləçəklərinin onu digər xarici şirniyyat növlərindən müsbət mənada xeyli fərqləndirdiyi bildirilir. Məqalədə Azərbaycan səfiri Elin Süleymanova istinadən, regionda çay, dolma və paxlava hazırlanması mədəniyyətində Azərbaycan mətbəxinin özünəməxsusluqlarına diqqət yetirilir.
Bundan əlavə Novruz bayramının simvollarından olan şorqoğal, şəkərbura və şirniyyat evində hazırlanan digər milli və beynəlxalq un məmulatları barəsində məlumat verilir və onların nəfis fotorəsmləri təqdim olunur.
Ümumiyyətlə qeyd etmək istərdik ki, son zamanlar ABŞ paytaxtında Azərbaycan mətbəxinə marağın artması müşahidə olunmaqdadır. Bu özünü nüfuzlu mətbu orqanlarında ölkəmizin mətbəxinə həsr olunan guşələrdən özünü göstərməkdədir. “Şərbət” şirniyyat evi qısa müddətdir ki, açılmasına baxmayaraq, Vaşinqton və yaxın şəhərlərin sakinləri arasında böyük populyarlıq qazanıb.
Məqalənin tam mətni ilə
![](https://newscafe.az/uploads/posts/2021-02/medium/1614453437_e21d4d7b-548e-3016-be26-c802f0ce88f9.jpeg)
![](https://newscafe.az/uploads/posts/2021-02/medium/1614453418_f5064893-d46f-3259-a603-175e20e7b279.jpeg)
![](https://newscafe.az/uploads/posts/2021-02/medium/1614453484_a5d4b393-559e-316a-9767-24d42a68171f.jpeg)
![](https://newscafe.az/uploads/posts/2021-02/medium/1614453414_500c979b-6dee-3a22-873a-9d55f9ba700a.jpeg)