Azərbaycan Respublikası Dövlət Neft Şirkətinin (SOCAR) Elm Fondu AMEA-da neft-qaz, neft-kimya sənayesi ilə bağlı aktual elmi və texnoloji problemlərin tədqiqi ilə məşğul olan alimlərin və yaradıcı kollektivlərin fəaliyyətini dəstəkləmək, onlara əlavə yaradıcılıq imkanları yaratmaq, elmi və innovativ tədqiqat işlərini stimullaşdırmaq məqsədilə 2021-cu il üçün növbəti qrant müsabiqəsi elan edib."NewsCafe" xəbər verir ki, müsabiqəyə 76 layihə təqdim olunub.
Təqdim olunan layihələrin ekspertizası məqsədilə yeni tərkibdə Müsabiqə Komissiyası yaradılıb və Elm Fondunun Əsasnaməsinə uyğun olaraq layihələrin ekspertizası təşkil edilib.
Müsabiqə Komissiyasının və ekspertlərin yekun rəyləri nəzərə alınaraq, SOCAR-ın Elm Fondunun İdarə Heyətinin 5 yanvar 2022-ci il tarixli qərarı ilə 25 elmi tədqiqat qrant layihəsi müsabiqənin qalibi elan olunub.
| № | Layihə rəhbərinin soyadı, adı, atasının adı | Layihənin adı | Elmi müəssisə | Layihənin smeta dəyəri (manatla) | Müddəti |
| 1 | Kərimov Fəxrəddin Nəcməddin oğlu | Atmosferə atılan antropogen mənşəli karbon qazının utilizasiyası məqsədilə ehtiyyatı tükəmiş neft-qaz laylarının qaz saxlama anbarı kimi istifadəsinin geofiziki tədqiqi | Neft və Qaz İnstitutu | 90 000 | 12 ay |
| 2 | Hüseynov Elçin Məmmədəli oğlu | Neft məhsullarının səth və termofiziki xüsusiyyətlərinin silisium dioksid nanohissəcikləri ilə təkmilləşdirilməsi | Radiasiya Problemləri İnstitutu | 110 000 | 18 ay |
| 3 | Alıquliyev Ramiz Məhəmməd oğlu | Neft-qaz sənayesinin idarəetmə sistemlərinin kompleks kiber-fiziki təhlükəsiziliyi məsələləri | İnformasiya Texnologiyaları İnstitutu | 160 000 | 24 ay |
| 4 | Əfəndiyev Qalib Məmməd oğlu | Mürəkkəb geoloji şəraitdə qazılan dərin axtarış-kəşfiyyat quyularında qoruyucu kəmərlərin layihə dərinliyinə çatdırılması və sementləmənin keyfiyyətinin artırılması məqsədilə kompleks elmi-tədqiqat işləri əsasında texnoloji tədbirlərin işlənib hazırlanması | Neft və Qaz İnstitutu | 90 000 | 12 ay |
| 5 | Əhmədov Fərid İbrahim oğlu | Neft və neft məhsullarının böyük həcmli konteynerlərdə ehtiyyatlarının qiymətləndirməsi üçün ssintilyatorlu qamma detektorlar əsasında cihazın laboratoriya prototipinin hazırlanması | Radiasiya Problemləri İnstitutu | 65 000 | 12 ay |
| 6 | Feyzullayev Əkpər Əkpər oğlu | Qalmaz strukturun IV blokunda yeraltı qaz anbarının (YQA) yaradılmasının və səmərəli istismarının texnologiyasının işlənilməsi məqsədilə bu blokun maddi tərkibinin, quyu məhsuldarlığının, o cümlədən 1-2 bloklarda YQA çoxillik istismarının səmərəliliyinin kompleks təhlili | Geologiya və Geofizika İnstitutu | 65 000 | 12 ay |
| 7 | Martınova Qalina Serqeevna | Azərbaycanın naften neftlərinin balneoloji fenomenin geoloji təbiətinin öyrənilməsi üçün yüksək informativ analitik texnologiyaların tətbiqi. | Geologiya və Geofizika İnstitutu | 75 000 | 12 ay |
| 8 | İbrahimova Minavər Cəfər qızı | Dizel distillatının ion-maye ekstraksiya üsulu ilə seçici təmizlənməsi | Neft-Kimya Prosesləri İnstitutu | 140 000 | 24 ay |
| 9 | İsgəndərov Sübahət Məmmədəli oğlu | Köhnə neft istismarı ərazi torpaqlarının fitoremediasiya üsulu ilə təmizlənməsi | Torpaqşünaslıq və Aqrokimya İnstitutu | 55 000 | 12 ay |
| 10 | Bağırov Hasil Cəmil oğlu | Neftlə çirklənmiş ərazilərdə müasir texnoloji avadanlıqlardan istifadə etməklə sənaye üsulu ilə hidroponik-energetik yem istehsalı | Torpaqşünaslıq və Aqrokimya İnstitutu | 85 000 | 15 ay |
| 11 | Məmmədova Ülviyyə Əhməd qızı | Neft yataqlarının neftveriminin artırılması üçün yeni bitki mənşəli kitrə-biopolimer “nanomayelərin” yaradılması | Kataliz və Qeyri-üzvi Kimya İnstitutu | 65 000 | 12 ay |
| 12 | Abdullayev Yusif Əfrəddin oğlu | Neft sənayesində tətbiq olunan ekoloji təhlükəsiz üzvi reagentlərin yaradılması | Neft-Kimya Prosesləri İnstitutu | 55 000 | 12 ay |
| 13 | Kəlbəliyev Qüdrət İsfəndiyar oğlu | Asfalten-qətran tərkibli neft emulsiyalarının ayrılma proseslərinin təhlili və riyazi modelləşdirilməsi | Kataliz və Qeyri-üzvi Kimya İnstitutu | 65 000 | 12 ay |
| 14 | Məmmədova Pərvin Şamxal qızı | Çətin çıxarılan və ağır neft yataqlarının işlənilməsində innovasiya texnologiyalarının tətbiqi | Aşqarlar Kimyası İnstitutu | 120 000 | 12 ay |
| 15 | Rəhimov Rəvan Abdullətif oğlu | Quyulardan neftin hasilatını artırmaq üçün yeni SAM-polielektrolit komplekslərinin alınması və tədqiqi | Neft-Kimya Prosesləri İnstitutu | 75 000 | 12 ay |
| 16 | Nurubəyli Təranə Kamil qızı | Neft - qaz yataqlarının proqnozlaşdırılması dəqiqliyinin artırılmasında induktiv əlaqəli plazmalı kütlə spektrometriyası və digər (məsələn, optik) üsulların tətbiqi | Fizika İnstitutu | 80 000 | 12 ay |
| 17 | Məcidzadə Vüsalə Asim qızı | Neft sənayesi avadanlıqlarında tətbiq etmək üçün Mo-S əsasında yüksək temperaturda sürtünməyə davamlı nazik təbəqələrin elektrokimyəvi üsulla alınması və xassələrinin tədqiqi | Kataliz və Qeyri-üzvi Kimya İnstitutu | 50 000 | 12 ay |
| 18 | Əliyeva Həyat Şmidt qızı | Çoxdivarlı karbon nanoborular əsasında neftvermə əmsalını artıran effektiv kompozisiyaların işlənilməsi | Aşqarlar Kimyası İnstitutu | 120 000 | 12 ay |
| 19 | Abbasov Elxan Məcid oğlu | Qum təzahürünə qarşı mübarizənin effektivliyinin artırılması proseslərinin hidrodinamikası | Riyaziyyat və Mexanika İnstitutu | 55 000 | 12 ay |
| 20 | Novruzov Zöhrab Adil oğlu | Abşeron neft-qaz rayonunun ekoloji qiymətləndirilməsi üçün innovativ ekspress maqnit metodunun işlənilməsi | Geologiya və Geofiizika İnstitutu | 60 000 | 12 ay |
| 21 | Ağayev Bikəs Sayıl oğlu | Neft-qaz quyularında anomal lay təzyiqi zonalarını proqnozlaşdırmaq üçün intellektual informasiya sisteminin işlənməsi | İnformasiya Texnologiyaları İnstitutu | 60 000 | 12 ay |
| 22 | Məmmədov Nazim Timur oğlu | Yaxın sahə optikası prinsipləri əsasında torpağın neftlə doyma əmsalının təyininin və neftin identifikasiyasının yeni üsullarının işlənilməsi | Fizika İnstitutu | 80 000 | 12 ay |
| 23 | Pənahov Qeylani Minhac oğlu | Lay daxilində səthi aktiv maddə (SAM), qaz və müxtəlif quruluşda köpük kompozisiyalarını yaratmaqla neftveriminin artırılması texnologiyasının tətbiqi əsaslarının işlənməsi | Riyaziyyat və Mexanika İnstitutu | 60 000 | 12 ay |
| 24 | Sadıqov Azər Zirəddin oğlu | Quruda və dənizdə neft-qaz sahəsi obyektlərinin monitorinqini apara bilən çox funksiyalı multikopter tipli dronların işlənilməsi | “Elm və Texnologiyalar Parkı” MMC və Təcrübə-sənaye zavodu | 80 000 | 12 ay |
| 25 | Musayeva Nahidə Nazim qızı | Neft-qaz sənaye obyektlərinin monitorinqi üçün portativ multi-qaz analizatoru | Fizika İnstitutu | 40 000 | 12 ay |
