Neftçalada Novruz bayramı qeyd olundu
Neftçala Rayon İcra Hakimiyyətinin təşkilatçılığı ilə Neftçala rayonunda Novruz bayramı geniş qeyd olunub.
Tədbirdə rayon icra başçısı Mirhəsən Seyidov, RİH məsul şəxsləri, hüquq- mühafizə orqanlarının, idarə, müəssisə və təşkilatların rəhbərləri, Rayon ağsaqqalları, şəhid ailələri, müharibə iştirakçıları və rayon ictimaiyyəti iştirak edib.
M.Seyidov əvvəlcə məktəblilərin Novruz bayramına həsr etdikləri rəsm əsərlərinə və adət-ənənələrimizi özündə əks etdirən sərgiyə baxış keçirib.
Tədbirdə bayram adət-ənənələrimiz haqqında tədbir iştirakçıları məlumatlandırılıb.
Bayram tədbiri Biləsuvar Regional Mədəniyyət İdarəsinin Neftçala rayon Mədəniyyət evinin, Neftçala rayon Camal İsmayılov adına Uşaq İncəsənət məktəbinin hazırladığı kompozisiyalarla davam edib.