Azərbaycan Avtomobil Yolları Dövlət Agentliyi (AAYDA) Koronavirusla Mübarizəyə Dəstək Fonduna 300 min manat köçürüb. Bunu “NewsCafe”yə qurumun mətbuat xidmətinin rəhbəri Anar Nəcəfli deyib.
Qeyd edək ki, Azərbaycan Respublikası Prezidenti İlham Əliyevin 19 mart 2020-ci il tarixli, “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” fərmanına əsasən Koronavirusla Mübarizəyə Dəstək Fondu yaradılıb.
