"NewsCafe"nin xəbərinə görə, sözügedən məktəbli qız Mərkəzi Seçki Komissiyasının (MSK) sədri Məzahir Pənahovun ikinci sinfdə təhsil alan nəvəsidir.
O, hazırda təhsil aldığı 134 saylı məktəbə mühafizəçi ilə gedib-gəlir. Azyaşlı şagirdin bu hərəkəti məktəbdə təhsil alan digər şagirdlərin ciddi narahatlığına səbəb olub.
Məzahir Pənahovun nəvəsi olan şagirdin bundan öncə isə 6 saylı məktəbdən intizamsızlığına görə çıxarıldığı deyilir.
Xatırladaq ki, bir neçə gün öncə Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli övladının təhsil aldığı orta məktəbdə şagirdlərdən birinin dərslərə mühafizəçi ilə girdiyini, həmin şagirdin hansısa məmurun nəvəsi olduğunu yazmışdı. Amma məktəin nömrəsini və məmurun adını qeyd etməmişdi. Daha sonra isə yazdığı statusu silmişdi.
@Demokrat.az
