![](https://newscafe.az/uploads/posts/2021-04/medium/1618038146_rhnhdtg2u0cuuo6133xoxqa0codk8jtyrhobo3va.jpg)
Bu il taxıl biçininə hazırlıqla bağlı biçini həyata keçirəcək mexanizatorlar üçün təlimlər davam etdirilir.
Kənd Təsərüffatı Nazirliyindən "Newscafe"yə verilən məlumata görə, indiyə qədər düzən sahələrdə biçin aparacaq kombayn mexanizatorları üçün təlimlər keçirilib.
Aprelin 5-dən etibarən “Aqroservis” ASC və “New Holland” şirkəti tərəfindən Masallı Dövlət Aqrar İnkişaf Mərkəzində “New Holland 5.90 Hillside” markalı innovativ taxılyığan kombaynları idarə edəcək mexanizatorlar üçün ödənişsiz təlimlərə start verilib və bu gün yekunlaşıb.
Məqsəd MDB məkanında ilk dəfə Azərbaycan Respublikasına gətirilən və çətin relyefli sahələrdə biçin aparan yeni nəsil bu texnikaların mexanizatorlar tərəfindən düzgün idarə edilməsinə nail olmaq, onların kombyanlara düzgün texniki xidmət göstərməsi, istismar zamanı baş verə biləcək nasazlıqların aradan qaldırılması və təhlükəzlik qaydalarına düzgün riayət edilməsi ilə bağlı bilik və bacarıqlarının artırılmasıdır.
Təlimdə 4 qrupdan ibarət olmaqla ümumilikdə 40 mexanizator iştirak edib. Təlimin sonunda imtahanlardan uğurla keçmiş 35 mexanizatora sertifikatlar təqdim edilib.
Təlimlər “New Holland” şirkətinin yüksək ixtisaslı mütəxəssisləri və “Aqroservis” ASC-nin nümayəndə heyəti tərəfindən video görüntü və əyani vasitələrdən istifadə edilməklə interaktiv formada təşkil olunur. Mexnizatorlara kombaynın idarə edilməsi, təmir işlərinin aparılma qaydaları əyani nümayiş etdirilir.
Təlimlərdə karantin rejiminin tələblərinə ciddi əməl olunur.
![](https://newscafe.az/uploads/posts/2021-04/thumbs/1618038224_5eof54lspnoj5twld2ufmoe0ohy3amrpk6znj1dy.jpg)
![](https://newscafe.az/uploads/posts/2021-04/thumbs/1618038148_a8tuvabbh3iwlqmpahx7tv6pou865kszw7qkiws0.jpg)
![](https://newscafe.az/uploads/posts/2021-04/thumbs/1618038234_emzzetcjfihtmqnbbez2wktv6fc4pmjxsdecirty.jpg)
![](https://newscafe.az/uploads/posts/2021-04/thumbs/1618038204_gs0qhzbty8ot69wvwjpjr97xfxmhtaiopitkapnb.jpg)
![](https://newscafe.az/uploads/posts/2021-04/thumbs/1618038213_l1dgks4usbglt0lg1muwp7t0y1lyl7oamtkqtfvq.jpg)