Suriyada Türkiyə hərbçilərinə hava hücumu olub.
"NewsCafe” bu barədə xarici mətbuata istinadən xəbər verir.
Türkiyənin Milli Müdafiə Nazirliyinin yaydığı məlumata görə, zərbələr nəticəsində 2 türk əsgəri həlak olub, daha 2 əsgər yaralanıb. Bildirilir ki, Suriyanın hökumət qüvvələrinə dərhal cavab atəşi açılıb. Nəticədə Suriyanın hökumət qüvvələrinin texnikası və canlı qüvvəsi məhv edilib. Cavab atəşi zamanı həmçinin qarşı tərəfin texnikası ələ keçirilib.
