“Forbes” jurnalı ABŞ-ın self-made ən varlı 100 qadın sahibkarının illik siyahısını dərc edib.“NewsCafe” “Qazeta.ru”ya istinadən xəbər verir ki, reytinqə ardıcıl üçüncü ildir dam örtüyü materialları istehsal edən və satan “ABC Supply” şirkətinin həmtəsisçisi Diana Hendriks başçılıq edir.
Reytinqdə ən gənc 23 yaşlı model Kayli Cenner, ən yaşlı isə biotexnologiya ilə məşğul olan 94 yaşlı Elis Şvartsdır.
Sıralamada ABŞ-ın şou-biznes nümayəndələri də yer alıb. Belə ki, Rianna öz brendi altında kosmetika və alt paltarların illik satışlarından 600 milyon ABŞ dolları qazanaraq 33-cü sırada qərarlaşıb.
Madonna 550 milyon ABŞ dolları gəlirlə 40-cı, Selin Dion 455 milyon ABŞ dolları ilə 51-ci, Beyonse isə 420 milyon ABŞ dolları ilə 55-ci sırada qərarlaşıb.
@Report.Az
