Türkiyənin “Tekfen Holding”i Azərbaycan Mərkəzi Bankının yeni inzibati binasının inşası üçün keçirilmiş tenderin qalibi olub.“NewsCafe” bu barədə Türkiyənin İctimaiyyəti Məlumatlandırma Platformasına (Kamuyu Aydınlatma Platformu - KAP) istinadən xəbər verir.
Məlumata görə, layihənin dəyəri 218 milyon avrodur.
Mərkəzi Bankın yeni inzibati binasının hündürlüyü 141 metr olacaq
AMB üçün yeni inzibati bina tikintisinə dair qərar Nazirlər Kabineti tərəfindən hələ 2011-ci ildə verilib. Bu məqsədlə Heydər Əliyev prospektində müvafiq torpaq sahəsi də ayrılıb. Lakin tikinti işləri tezliklə də dayandırılıb.
Onu da qeyd edək ki, Mərkəzi Bankın indiki ofisi 1998-ci ildə istismara verilib. Bank üçün yeni ofisin tikilməsi zərurəti bütün əməkdaşları orada yerləşdirməyin mümkün olmaması ilə izah olunur.
