"Qaz sayğaclarının ayda 2 dəfə oxunması vətəndaşlar üçün atılmış sosial addımdır"."NewsCafe" xəbər verir ki, bunu Dövlət Neft Şirkətinin (SOCAR) "Azəriqaz" İstehsalat Birliyinin Bakı Regional Qazın Satışı Departamentinin rəisi Zamin Mehrəliyev bəzi ərazilərdə abunəçilərə ay ərzində bir neçə dəfə bildiriş verilməsinə aydınlıq gətirərkən deyib.
"Bu, adətən qış sərt keçən ərazilərdə olur. Belə ki, həmin yerlərdə ay ərzində bir dəfə qəbz vurulanda məbləğ yüksək göstərilir. Odur ki, ay ərzində bir neçə dəfə qəbz veririk ki, göstərici yüksək olmasın və insanlar onu ödəyə bilsin".
