![](https://newscafe.az/uploads/posts/2022-01/medium/1641989540_c7e6c779-c2a5-3b52-80df-219d609a3403_850.jpg)
Bu barədə "NewsCafe"yə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, Suraxanı Rayon Polis İdarəsinin əməkdaşları tərəfindən həyata keçirilən əməliyyat zamanı Yeni Günəşli qəsəbəsində avtomobillərdən oğurluq edən paytaxt sakinləri əvvəllər məhkum olunmuş Əli Səfərov və Əli Nəbiyev tutularaq istintaqa cəlb ediliblər.
Araşdırma zamanı onların ümumilikdə 7 avtomobilin şüşəsini qıraraq nəqliyyat vasitələrinin salonundan maqnitafon və digər qiymətli əşyalar oğurladıqları məlum olub.
Bu şəxslərin həmçinin Suraxanı rayonunda yerləşən orta məktəblərdən birinə oğurluq məqsədi ilə daxil olaraq oradan kompüter avadanlıqları və 1 ədəd velosiped oğurladıqları sübuta yetirilib.
Suraxanı Rayon Polis İdarəsinin əməkdaşları tərəfindən keçirilən növbəti əməliyyat zamanı Əmircan qəsəbəsində evlərdən oğurluq edən paytaxt sakini Ramin Qocayev saxlanılıb. Onun ümumilikdə 4 evdən pul, qızıl-zinət və məişət əşyaları oğurladığı müəyyən edilib.
Faktlarla bağlı Suraxanı Rayon Polis İdarəsində araşdırmalara başlanılıb.
"Saxlanılan şəxslərin əməllərindən zərərçəkən başqa vətəndaşlar varsa, bu barədə Suraxanı Rayon Polis İdarəsinə, ərazi polis orqanlarına, həmçinin "102" Xidməti-Zəng Mərkəzinə və Nazirliyin sosial şəbəkələrdəki rəsmi hesablarına məlumat verə bilərlər", - məlumatda qeyd edilib.
![](https://newscafe.az/uploads/posts/2022-01/medium/1641989544_1b722429-b6fc-3741-b9a0-b26fa7b54d52.jpg)
![](https://newscafe.az/uploads/posts/2022-01/medium/1641989626_4c169543-662a-3196-88df-30ab3f16dff8-1.jpg)
![](https://newscafe.az/uploads/posts/2022-01/medium/1641989665_9513076f-ad07-3c30-bb02-6b1543cca53f-1.jpg)