Şəki regional miqrasiya idarəsinin əməkdaşları tərəfindən Qax və Şəki rayonlarında yaşayan, sağlamlıq imkanları məhdud, eləcə də həssas qrupa daxil olan şəxslərə yaşadıqları ünvanlarda səyyar xidmət göstərilib.Bu barədə "NewsCafe"yə qurumdan məlumat verilib.
Onların bir qisminə müvəqqəti olma müddətinin uzadılmasına dair sənədlər təqdim edilib. Şəxsin Azərbaycan Respublikasının vətəndaşlığına mənsubiyyətinin müəyyənləşdirilməsi ilə əlaqədar müraciət edənlərdən sənədlər qəbul olunaraq, miqrasiya qanunvericiliyinə dair məlumatlar verilib.
Şəki regional miqrasiya idarəsi tərəfindən həmçinin Azərbaycan Dövlət Pedaqoji Universitetinin Şəki filialının tələbə heyəti ilə görüş keçirilib. Tədbirdə Dövlət Miqrasiya Xidmətinin fəaliyyət istiqamətləri haqqında geniş məlumat verilib. Sonda iştirakçıları maraqlandıran suallar cavablandırılıb.
