"Azərbaycan xalqı koronavirusa ona görə inanmır ki, bu xəstəliyin varlığı ilə bağlı məlumatı camaata ömür boyu yalan danışmış, dilindən bircə dəfə də düz söz çıxmayan adamlar verir"."NewsCafe" xəbər verir ki, bu sözləri tanınmış yazar Kəramət Böyükçöl deyib.
Yazar millət vəkili Elman Nəsirovu tənqid edib:
"Valla, Elman Nəsirov mənə desə ki, sənin adın Kəramətdir. Özümdən şübhələnərəm ki, doğrudan, mənim adım Kəramətdir? Dəqiqləşdirərəm. Əgər adım doğrudan da, Kəramət olsa belə yenə boynuma almaram. Deyərəm, yox, mənim adım Kəramət deyil. Cəmiyyət qarşısına çıxmağa üzü olmayan bu cür deputatlar koronavirus var deyəndə camaat acığa inanmır. Valla, acığa inanmır. Bu tip adamlar ortalıqdan çıxmayana qədər, susdurulmayana qədər Azərbaycan hakimiyyəti ilə Azərbaycan vətəndaşı arasında uçrum hər gün dərinləşəcək. Adam əyilə-əyilə nə qədər basıb-bağlayar, nə qədər nifrət qazanar, İlahi".
@yenisabah.az
