AMEA prezidenti Ramiz Mehdiyev sabiq rabitə və yüksək texnologiyalar naziri Əli Abbasova yüksək vəzifə verib.
"NewsCafe" xəbər verir ki, bu barədə Yenisabah.az-a AMEA-dakı etibarlı mənbə bildirib. Xəbərə görə, AMEA Rəyasət Heyətinin bugünkü iclasında akademik Ramiz Mehdiyev AMEA İdarəetmə Sistemləri İnstitutunun direktoru vəzifəsini icra edən texnika elmləri doktoru, professor Əminağa Sadıqovu vəzifəsindən kənarlaşdırıb.
Onun yerinə isə AMEA prezidentinin müşaviri, sabiq Rabitə və yüksək texnologiyalar naziri Əli Abbasov təyinat alıb. Bundan sonra o, AMEA İdarəetmə Sistemləri İnstitutunun direktoru vəzifəsini daşıyacaq.
Qeyd edək ki, 2016-cı ildə keçmiş nazir rəhbərlik etdiyi qurumda qanusuzluq etməkdə təqsirləndirilərək məhkəmə qarşısına çıxarılmışdı və Əli Abbasov tərəfindən ibtidai istintaq zamanı rəhbərlik etdiyi nazirlikdə törədilmiş qanunsuzluqla əlaqədar vurulmuş ziyan üzrə 6 836 540 manat ödəniş etmişdi.