Nəsimi Rayon Məhkəməsində “AGBank” ASC barəsində Yasamal Rayon Polis İdarəsi tərəfindən tərtib olunan inzibati xəta haqqında protokol araşdırılıb. "NewsCafe" xəbər verir ki, məhkəmə İnzibati Xətalar Məcəlləsinin 469.3-cü ( “İcbari sığortalar haqqında” Azərbaycan Respublikasının Qanunu ilə mülki məsuliyyəti icbari qaydada sığorta etdirmək vəzifəsi müəyyən edilmiş avtonəqliyyat vasitəsi sahibləri tərəfindən sığortaçı ilə icbari sığorta müqaviləsinin bağlanmamasına görə) maddəsi ilə başlanılmış inzibati xəta haqqında iş üzrə icraata xitam verib.
Yasamal Rayon Polis İdarəsi bu qərardan apelyasiya şikayəti verib. Hazırda şikayət Bakı Apelyasiya Məhkəməsində hakim Əflatun Qasımovun sədrliyi ilə araşdırılır.
Qeyd edək ki, İnzibati Xətalar Məcəlləsinin 469.3-maddəsi ilə fiziki şəxslər əlli manat məbləğində, vəzifəli şəxslər yüz manat məbləğində, hüquqi şəxslər üç yüz manat məbləğində cərimə edilir.
@e-huquq.az
