Yasamal Rayon Məhkəməsi "ABC Telekom” MMC-nin (“Kontakt Home” mağazalar şəbəkəsi) inzibati qaydada cərimə edilməsi barədə qərar çıxarıb."NewsCafe" xəbər verir ki, qərara əsasən, şirkət 96 ABŞ dolları (inzibati xətanın obyekti olmuş 480 ABŞ dollarının 20% məbləğində) cərimə edilib.
Qeyd edək ki, İnzibati Xətalar Məcəlləsinin 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilinib.
Yasamal Rayon Məhkəməsinin qərarından verilən şikayətə Bakı Apellyasiya Məhkəməsində hakim Hüseyn Əhmədovun sədrliyi ilə baxılacaq.
Xatırladaq ki, "ABC Telekom” (“Kontakt Home” mağazalar şəbəkəsi) məişət avadanlıqları və mobil telefonların satışını həyata keçirən şirkətdir.
"Kontakt Home"nin hazırda Bakı, Xırdalan, Sumqayıt və Gəncə şəhəri daxil olmaqla 23 mağazada fəaliyyət göstərir.
@Kazus.Az
