Azərbaycanda fəaliyyət göstərən banklar audit yoxlamasını əsasən "Bakertilly" şirkətinə etibar edir.
Bu, "Report"un apardığı araşdırma nəticəsində məlum olub.
Belə ki, sözügedən şirkət 26 bankdan 8-nin 2019-cu ildəki maliyyə-təsərrüfat fəaliyyətini audit edib. Bu, 2018-ci illə müqayisədə 2 vahid çoxdur.
Müştərisi olan bankların sayına görə 2-ci yerdə "Ernst & Young" şirkəti qərarlaşıb. Bu şirkət ötən il üzrə 5 banka audit rəyi verib. Bu isə əvvəlki il üzrə göstəricidən 1 vahid azdır.
KPMG isə 2019-cu il üzrə 4 bankla əməkdaşlıq edib. Bu isə 2018-ci ilə nisbətən 2 vahid azdır.
Əvəzində "Grant Thornton" və "PwC" şirkətləri xidmət göstərdiyi bankların sayını müvafiq olaraq 2 vahid və 1 vahid artıraraq 3-ə çatdırıb.
RSM və "Crowe" şirkətlərinin audit etdiyi bankların sayı isə dəyişməyəcək 1 qalıb.
"Best Audit" şirkətinin əməkdaşlıq etdiyi bankların sayı 2-dən 1-ə düşüb. 2018-ci il üzrə 1 banka xidmət göstərmiş NEXİA EA şirkəti isə 2019-cu il üzrə audit etməyə bank tapa bilməyib.
Maraqlıdır ki, bankların tərəfdaş kimi seçdiyi audit şirkətlərinin arasında Böyük 4-lüyə daxil olan "Deloitte and Touche" şirkəti yoxdur. 4-lüyə aid qalan 3 audit şirkəti ("Ernst & Young", KPMG və "PwC") isə 2018-ci ildə 14 bankdan iş aldığı halda 2019-cu ildə bu rəqəm 12-yə düşüb.
Ümumiyyətlə isə, 26 bankdan 6-sı audit şirkətini dəyişib.
|
| 2019-cu il | 2018-ci il |
1 | “ACCESS BANK” QSC | “PwC” | “Ernst & Young” |
2 | “AFB BANK” ASC | “KPMG” | “KPMG” |
3 | “AZƏRBAYCAN BEYNƏLXALQ BANKI” ASC | “Ernst & Young” | “Ernst & Young” |
4 | “AZƏRBAYCAN SƏNAYƏ BANKI” ASC | “Grant Thornton” | “RSM” |
5 | “AZƏR-TÜRK BANK” ASC | “Ernst & Young” | “Ernst & Young” |
6 | “BANK AVRASİYA” ASC | “Bakertilly” | “Bakertilly” |
7 | “BANK OF BAKU” ASC | “Bakertilly” | “KPMG” |
8 | BANK “BTB” ASC | “KPMG” | “KPMG” |
9 | “BANK RESPUBLİKA” ASC | “KPMG” | “KPMG” |
10 | “PREMİUM BANK” ASC | “Grant Thornton” | “Grant Thornton” |
11 | BANK VTB (AZƏRBAYCAN) ASC | “Ernst & Young” | “Ernst & Young” |
12 | “EXPRESSBANK” ASC | “PwC” | “PwC” |
13 | “GÜNAYBANK“ ASC | “RSM” | “Nexia EA” |
14 | "KAPİTAL BANK" ASC | “Ernst & Young” | “Ernst & Young” |
15 | MELLİ İRAN BANKI BAKI FİLİALI | “Best Audit” MMC | “Best Audit” MMC |
16 | "MUĞANBANK" ASC | “Bakertilly” | “Bakertilly” |
17 | “NAXÇIVANBAK” ASC | “Bakertilly” | “Bakertilly” |
18 | "YELO BANK" ASC | “Bakertilly” | “KPMG” |
19 | PAKİSTAN MİLLİ BANKININ BAKI FİLİALI | “Grant Thornton” | “Best Audit” MMC |
20 | "PAŞA BANK" ASC | “Ernst & Young” | “Ernst & Young” |
21 | "RABİTƏBANK" ASC | “KPMG” | “KPMG” |
22 | "TURANBANK" ASC | “Bakertilly” | “Bakertilly” |
23 | "UNİBANK" ASC | “Bakertilly” | “Bakertilly” |
24 | "XALQ BANK" ASC | “Crowe” | “Crowe” |
25 | "YAPI KREDİ BANK AZƏRBAYCAN" QSC | “PwC” | “PwC” |
26 | “ZİRAAT BANK AZƏRBAYCAN” ASC | “Bakertilly” | “Bakertilly” |