Azərbaycan Respublikası Kənd Təsərrüfatı Nazirliyi yanında Aqrar Kredit və İnkişaf Agentliyinin (AKİA) keçirdiyi açıq tenderin qalibi bəlli olub. “NewsCafe” xəbər verir ki, satınalma müsabiqəsinin qalibi "Amin and S Services" MMC olub.
Məlumatda deyilir ki, AKİA limon ağacları üçün şaxtadan qoruyucu örtüyün hazırlanması və quraşdırılması xidmətinə görə, adıçəkilən quruma 326 270 manat pul ödəyəcək.
Xatırladaq ki, nizamnamə kapitalı 10 manat olan "Amin and S Services" MMC 2017-ci ilin iyunun 5-də dövlət qeydiyyatına alınıb. Təşkilatın qanuni təmsilçisi Mirzəxanov Murad Rasim oğludur.